Gøtu Fornminnisfelag hevur hópin av gomlum lutum, ið verða sýndir fram á savninum. Í Blásastovu eru lutir, ið hoyra einum gomlum føroyskum húsi til, meðan í hoyggjhúsinum eru lutir, ið hava við uttandura arbeiði at gera, so sum í bø, í haga og á báti. Lutirnir eru annaðhvørt lætnir Fornminnisfelagnum til varðveitslu, ella læntir felagnum til at vísa fram. Allir lutir eru skrásettir, so týðiliga er tilskilað, hvør ið eigur ella latið hevur.